منتدا عام


    اشارات السماء الى اهل الارض

    شاطر
    avatar
    Admin
    Admin

    المساهمات : 239
    تاريخ التسجيل : 26/10/2013
    العمر : 33

    اشارات السماء الى اهل الارض

    مُساهمة من طرف Admin في الأحد 24 نوفمبر - 17:51

    إشارات السماء

    على طريق سريع، عربية فيها 5 شباب عملت حادثة
    كلة طلع منها سليم ماعدا واحد، جاله شلل نصفى وبقى قعيد بكرسى متحرك

    لحد هنا القصة عادية زى اى قصة ممكن تسمعها فى اى وقت

    بعد الحادثة بسنبن كنت بدردش مع المصاب الوجيد من الحادثة (ماكنتش اعرف ساعتها التفاصيل)
    كان عنده مشكلة كبيرة فى الشغل وكان بيفكر يسيب الشغل بسببها

    فقلتله قول الحمد لله على الاقل فيه غيرك مش لاقيين الشغل دا اصلا
    وبعدين ربنا دايما هايقدرلك الخير وعمره ما هايقدر شر ابدا، فقول الحمد لله

    لقيته سكت شوية وسرح، وقالى تصدق اول مرة اخد بالى من حاجة..

    وحكالى على قصة الحادثة
    وبعدين لقيته بيقولى " انت عارف انى لو ماكنتش اتشليت كان زمانى ميت او مدمن !!!
    طبعا لما لقانى متنح ومش قادر ارد، حكالى القصة

    ساعة الحادثة كانوا رايحين يجيبوا مخدرات
    طبعا لما الحادثة حصلت هو قعد فى البيت سنة ونص تقريبا مابيخرجش منه

    فى خلال نفس السنة ونص دول، 2 من اللى كانوا معاه فى العربية اتوفوا واحد بجرعة زيادة والتانى بسبب سرعة زيادة وهو تحت تأثير المخدرات
    وال 2 التانيين واحد فى مصحة لعلاج الادمان والاخير اتطرد من اليبت وماحدش يعرف عنه حاجة

    بيحكيلى ان ربنا بعتله إشارات كتير علشان يعرف انه ماشى غلط بس هو طنش وكمل.. وعلشان كده كان لازم يبقى القلم جامد حبتين
    وبعدين لقيته بلهجة صادقة بيقولى "الحمد لله انى اتشليت وماتطلعتش مدمن"

    طبعا كلامة كان بالنسبالى قلم علشان افوق واعرف اد ايه مشاكلى اللى بجرى وراها ليل نهار تافهة
    بصيت على نفسى لقيت نفسى بصحتى وبشتغل وفعليا ماعندش مشاكل، كلها تفاهات وبرضه كنت بشتكى

    الشخص دا كان ممكن يبقى محبط، كان عنده الف سبب يخلوه محبط ويائس، وماعتقدش ان حد كان هايلومه قوى ساعتها
    بس هو ماستسلمش هو بس فهم متأخر ايه المطلوب منه فى الحياة علشان يقدر يعيش سعيد
    وهو دلوقتى من اسعد الناس فى حياتها، سواء فى شغلة الخاص او فى بيته او مع اولاده

    ماتفتكرش انك ادرى من اللى خالقك بالاحسن ليك
    هو مقدرلك سكة ومصير محددين هاتروحلهم هاتروحلهم
    يا تروح وانت سعيد يا تروح وانت رجلك فوق رقبتك
    فلما تلاقى حاجة كبيرة حصلتلك فى حياتك إعرف ان ربنا بعتلك إشارات كتير وانت اللى طنشت

    ‫#‏مدرب_فن_إدارة_الحياة‬ ممكن يساعدك انك تقدر تحدد ايه الاشارات اللى بتجيلك وازاى تترجمها فى حياتك

    ‪#‎HatemZaki‬
    Coaching for Life

    وزى ما ممكن ماتاخدش بالك من إشارة مرور فتلاقى نفسك لبست فى عربية تانية
    تخيل ايه اللى ممكن يحصل فى حياتك لو طنشت الاشارات اللى ربنا بيبعتهالك!!!

      الوقت/التاريخ الآن هو الثلاثاء 22 مايو - 8:15